ನೀನೆಂಬ ವಾಕ್ಯದೊಳಗಿನ ಪುಟ್ಟ ಪದ ನಾನು
ಕಂಡಿಕೆಗಳ ಸಂಗದಲ್ಲಿ ಮೈ ಮರೆತಿರುವೆ ನೀನು
ನೀನೆಂಬ ಸಂಪುಟದ ಪರಿವಿಡಿ ನಾನು
ಪುಟಗಳ ಸಾಮೀಪ್ಯದೊಳು ಹಿತವಾಗಿಹೆ ನೀನು
ನೀನೆಂಬ ಆಗಸದೊಳು ತೇಲುವ ಮೇಘ ನಾನು
ಬೆಳದಿಂಗಳ ಬೆಡಗಿಗೆ ಮನಸೋತಿಹೆ ನೀನು
ನೀನೆಂಬ ಶರಧಿಯಾಳದಲ್ಲಿ ಹುದುಗಿದ ಮುತ್ತು ನಾನು
ಅಲೆಗಳ ಚಿನ್ನಾಟದಲಿ ಸರಸಿಯಾಗಿಹೆ ನೀನು
ನೀನೆಂಬ ನಿನಗೆ ಬಿಂದು ನಾನು....
ನಿನ್ನೊಳಗಿನ ನನಗೆ ಸಿಂಧು ನೀನು.....
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ