ಈ ಜಗ ಸೋಜಿಗ ಬಲು ಡಾಂಭಿಕ ಇಲ್ಲಿನ ಲೆಕ್ಕಾಚಾರ
ಮಾತಿಗೂ ಕೃತಿಗೂ ಸಂಬಂಧವಿಲ್ಲದ ಜೀವನವಿದು ಆತ್ಮವಂಚನೆ
ಎದುರಿಗೊಂದು ನೀತಿ ಬೆನ್ನ ಹಿಂದೆ ಬೇರೆಯದೇ ರೀತಿ ನಯವಂಚನೆ
ಸಕಲವೂ ತೋರಿಕೆ ಭಾವಗಳ ಸೋರಿಕೆ ಬದುಕೇ ಆಡಂಬರದ ಪ್ರದರ್ಶನ
ಅಂಕೆಗಳಲಿನ ಗಳಿಕೆಯೊಂದೇ ಪ್ರಧಾನ ಆತ್ಮವೇ ಬಿಖರಿಯಾದದ್ದು ನಿದರ್ಶನ
ನಾ ಮೇಲು ತಾ ಮೇಲು ಎಂಬ ದೊಂಬರಾಟದೊಳು ಜ್ಞಾನಕ್ಕೂ ಪಕ್ಷಪಾತ
ಅರಿವಿಗೂ ತಾರತಮ್ಯದ ಅರಿವೆ ತೊಡಿಸಿರೆ ಮೌಲ್ಯಗಳ ಉಲ್ಕಾಪಾತ
ಇದುವೇ ಅಧಃಪತನದ ಹಾದಿ
ಇದುವೇ ಅವಸಾನಕ್ಕೆ ನಾಂದಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ